Milyarder iş adamları dünyanın məhv olmasına səbəb olacaq.

Sfera.az bildirir ki, bu barədə “The Guardian” nəşri məlumat yayıb. Qeyd olunub ki, bəşəriyyətin ən zəngin insanlarının 1 faizi karbon emissiyasına yol açır. Belə ki, milyarderlər, milyonçular və ildə 140 min dollardan çox qazanan 77 milyonluq bir elit qrup təkcə 2019-cu ildə bütün karbon emissiyalarının 16 faizinə cavabdeh olub.

Siyahıya “Amazon”un rəhbəri Ceff Bezos, rus oliqarx Roman Abramoviç, "Microsoft”un yaradıcısı Bill Qeyts, “Tesla” və “X” sosial media platformasının sahibi İlon Mask, meksikalı iş adamı Karlos Slim daxil edilib. Məlum olub ki, 12 iş adamına məxsus şirkətlər planeti 2,1 milyondan çox evdən daha çox çirkləndirir.

İqlim məsələləri üzrə mütəxəssis Çiara Liqori mövzu ilə bağlı nəşrə bunları deyib: “Zəngin insanlar planeti məhv edəcək qədər ehtiyatsız davranırlar. Məsələ orasındadır ki, iqlim böhranının ən böyük bədəlini yoxsul təbəqə ödəyir. Onların bu addımı 66 faizdən çox kasıb insanlara təsir edir”.

Nəşr sonda qeyd edib ki, Afrika qitəsi tullantıların yalnız 4 faizinə cavabdehdir.

Günay