"Bu dünyada uşaq gətirmək cəsarət istəyir!" – Nura Suridən üsyan dolu paylaşım

Müğənni Nura Suri paylaşımı ilə sosial şəbəkələrdə diqqət çəkib.

O, yaşadığı dünyadan narahatlığını ifadə edib və son dövrlərdə baş verən hadisələrə emosional reaksiya verib.

“Belə bir dünyada yaşamaq məni sarsıdır və qorxudur. İnsanlar çox qəddarlaşıb. Rusiyada yaşayan azərbaycanlılara görə narahatam.
Müharibələrdən bezmişəm. Bitmir dünyadakı müharibələr.”

Sfera.az bildirir ki, sənətçi paylaşımında dünyada artan sosial və iqtisadi ədalətsizliyə də toxunub:

“Belə bir dünyada, indiki zamanda valideyn olmazdan əvvəl düşünün. Belə bir dünyaya özünüzdən bir can gətirmək istəyirsinizmi?

Hər gün dünyada yeyəcək məhsulların qiyməti artır. Dünyanın bəzi ölkələri su qıtlığından əziyyət çəkir. Bəziləri isə rəsm əsərlərinə milyonlara pul ödəyib, evinin divarından asır. Çox absurd bir dünyada yaşayırıq.

Kimsə 1 günlük toy tədbirinə 56 milyon xərcləyir, kimsə övladlarına 1 kiloqram meyvə almağa çətinlik çəkir.

Ədalət sözü yalnız yazılan kitablarda söz olaraq qalır və başqa heç bir məna kəsb etmir artıq.

Sevgi də, hörmət də pulla alınır.”