ManEl “Qızların mahnısı”na yeni nəfəs verdi - VİDEO
Hər zaman səsi ilə qəlbləri fəth edən ManEl “Qızların mahnısı”na yeni nəfəs verib.
Sfera.az bildirir ki, musiqisi Tofiq Quliyevə, sözləri Ənvər Əlibəyliyə aid olan ifaya ManEl tərəfindən yeni klip də çəkilib. İdeyanın müəllifi Moskvadan gələn gənc rejissor və videograf Hüseyn Əlizadədir.
Klipdə qızların təbii gözəlliyi və unikal xarakterləri nar vasitəsilə ilə göstərilib. Hər biri öz fərdiliyini göstərir: biri narı cəsarətlə parçalayır, digəri hər toxumasını incəliklə araşdırır, üçüncüsü mükəmməl dilimi zövqlə seçir, dördüncüsü isə şirəsi ilə cəsarətli eksperiment aparır. Onların hərəkətləri sərbəst və təbiidir. Hər səhnə azadlığın, ehtirasın və özünü ifadənin gücünü hiss etdirir.
İfa və klipin uyumu insana xoş hisslər bəxş edir.
Klipdə gənc aktrisalar İntizar Mehdi,Nərgiz Əliyeva,Elnarə Kazımova və Nigar Tağıyeva yer alıb.
