Maraqlıdır, bu iddialar nə dərəcədə doğrudur? Peyvənddən sonra hansı qidaları qəbul etmək olmaz? 

Məsələ ətrafında Sfera.az-a danışan Azərbaycan Tibb Universitetinin müəllimi, cərrah Rauf Qasımov peyvənddən sonra soyuqdan qorumalı olmağın zəruriliyini bildirib:

"Vaksinasiyadan sonra qida qəbulu ilə bağlı hansısa məhdudiyyət yoxdur. Lakin peyvənd vurulduqdan 3 gün, ən yaxşısı isə 1 həftə müddətində müddətində şəxs özünü soyuqdan qorumalıdır. Bu müddətdə soyuq içkilər qəbul etmək, dondurma yemək olmaz. Peyvənd vurulduqda insanın bədəninə virusun bir hissəsi yeridildiyi üçün bədən zəifləyir, immunitet formalaşanadək bu zəiflik davam edir. Özümüzü soyuqdan qorumasaq, bu müddətdə xəstələnə bilərik". 

Həkimin sözlərinə görə vaksindən iki həftə ərzində spirt qəbul etmək olmaz:

"Peyvənddən sonra ən azı iki həftə müddətində spirtli içki qəbul etmək olmaz. Çünki bədənə spirt daxil olarsa, vaksin öz işini görüb, immunitet formalaşdıra bilmir. Bundan başqa 14 gün ərzində qidalanmaya diqqət yetirmək lazımdır. Çalışdığımız qədər vitaminli məhsullar, xeyirli ərzaqlarla qidalanmalıyıq".