Qızıldan sonra platin də bahalaşır - Son qiymət

Ticarət müharibələri, geosiyasi gərginliklər və ABŞ Federal Ehtiyat Sisteminin (FED) gözlənilən siyasətləri qızılla bərabər platin qiymətlərinin də artmasına səbəb olur.

 

Sfera.az xəbər verir ki, platinin troya unsiya qiyməti beynəlxalq bazarlarda 1 352 dollar səviyyəsinə yüksələrək 2014-cü ilin sentyabrından bəri ən yüksək göstəricisini yeniləyib.

 

Bu, təxminən son 11 ilin ən yüksək səviyyəsi olub, ilin əvvəlindən bəri investorlarına 43%-dən çox gəlir qazandırıb. Qazanc əldə etmək məqsədilə satışların artması ilə qiymətlər sonradan 1 290 dollar ətrafında sabitləşib.

 

Platin qiymətlərinin bu artımı əsasən aşağıdakı amillərlə əlaqələndirilir.

 

Tədarük çatışmazlığı: Platin hasilatında mövcud problemlər qiymətləri yuxarı çəkib.

 

Artan tələbat: Xüsusilə sənaye və avtomobil sektoru üzrə tələbin artması qiymət artımını gücləndirib.

 

Təhlükəsiz liman axtarışı: ABŞ Prezidenti Donald Trampın tarif siyasətləri ilə bağlı qeyri-müəyyənliklər və qlobal iqtisadi artıma dair narahatlıqlar investorları daha sabit əmtəələrə yönəldib.

 

Vasif