Türkiyə ən çox qazı bu ölkələrdən alıb – Siyahıda Azərbaycan da var
2024-cü ilin dekabr ayında Türkiyənin təbii qaz idxalı əvvəlki ilin eyni ayına nisbətən 21,5 faiz artaraq təxminən 7 milyard 364 milyon 170 min kubmetrə çatıb. Sfera.az xəbər verir ki, Türkiyə boru kəmərləri ilə 4 milyard 424 milyon 710 min kubmetr, mayeləşdirilmiş təbii qaz (LNG) şəklində isə 2 milyard 939 milyon 460 min kubmetr idxal həyata keçirib.
Sfera.az xəbər verir ki, boru kəmərləri ilə dekabrda ən çox təbii qaz idxalı 2 milyard 835 milyon 170 min kubmetrlə Rusiyadan olub. Rusiyanı 1 milyard 37 milyon 370 min kubmetrlə Azərbaycan, 552 milyon 170 min kubmetrlə İran izləyib.
Bu dövrdə Türkiyənin LNG idxalı ABŞ-dən 2 milyard 5 milyon 570 min kubmetr, Əlcəzairdən 346 min 880 kubmetr, Ekvatorial Qvineyadan 207 min 740 kubmetr, Rusiyadan 198 min 210 kubmetr, Norveçdən 94 milyon 740 min kubmetr olub.
Vasif
