Rusiyadan Azərbaycana pul köçürmələri KƏSKİN AZALDI - RƏQƏMLƏR
2024-cü ildə fiziki şəxslər tərəfindən Rusiyadan Azərbaycana pul köçürmələrində kəskin azalma müşahidə edilir.
Sfera.az xəbər verir ki, fiziki şəxslər 2023-cü ilin birinci yarısında 608 milyon dollar dəyərində pulu Azərbaycana köçürdüyü halda, bu ilin birinci yarısında köçürülən pulun məbləği 287 milyon dollara düşüb.
İllik müqayisədə bu il köçürülən pulun məbləğində 321 milyon dollar və ya 2,11 dəfə azalma var.
Qeyd edək ki, Rusiyadan köçürmələrdə kəskin azalma 2022 və 2023-cü illərdəki böyük məbləğdəki köçürmələrdən sonra baş verir. 2021-ci illə müqayisə etdikdə isə görürük ki, köçürmələr nəinki azalmayıb, əksinə bir qədər artıb. Belə ki, 2021-ci ilin birinci yarısında 261 milyon dollar köçürülmüşdü və cari ildəki göstərici ilə müqayisədə 26 milyon dollar az idi.
2024-cü ildəki dəyişiklik onu göstərir ki, Rusiyadan Azərbaycan pul köçürmələri müharibədən əvvəlki səviyyəyə qayıdıb.
Vasif
