Çin və CAR BRİKS çərçivəsində əməkdaşlığı gücləndirmək NİYYƏTİNDƏDİR
Çin və Cənubi Afrika Respublikası (CAR) BRİKS çərçivəsində qarşılıqlı əlaqələri gücləndirməyi və iqtisadi inkişaf məsələlərini beynəlxalq əməkdaşlıq gündəminin əsas mövzusuna çevirməyi planlaşdırır.
Sfera.az-ın məlumatına görə, bu barədə Çin Sədri Si Cinpin və CAR Prezidenti Siril Ramafosa arasında Pekində keçirilən danışıqların yekunları üzrə iki ölkənin birgə bəyanatında deyilir.
“Tərəflər BRİKS əməkdaşlıq mexanizmi çərçivəsində koordinasiya və əməkdaşlığı gücləndirməyə davam etmək və genişləndirilmiş BRİKS üzvlüyü arasında əməkdaşlığın daha praktik nəticələrinə nail olmaq üçün işləmək barədə razılığa gəliblər”, - sənəddə deyilir.
ÇXR və CAR inkişaf məsələlərinin beynəlxalq əməkdaşlıq gündəliyinin mərkəzinə qaytarılmasını fəal şəkildə təşviq etmək niyyətlərini ifadə ediblər.
Sənəddə deyilir ki, Çin CAR-ın BRIKS üzvlüyünün “tarixi genişlənməsində” fəal rolunu yüksək qiymətləndirir.
