ABŞ-nin faizləri endirməsi bu valyutanı bahalaşdıracaq - PROQNOZ
ABŞ-də mərkəzi bank funksiyasını həyata keçirən FED-in faizləri endirəcəyi təqdirdə Çinin milli valyutası olan yuanın bahalaşacağı gözlənilir.
Sfera.az xarici mediaya istinadən xəbər verir ki, hazırda Çin şirkətlərində dollarla ifadə edilən aktivlərin həcmi 1 trilyon dollar dəyərindədir.
ABŞ ekspertləri proqnozlaşdırır ki, çinli şirkətlər bu aktivlərin çox hissəsini satarsa, yuan 10 faizə qədər bahalaşacaq.
Qeyri-rəsmi məlumatlara görə, Çin firmaları pandemiyadan bəri ofşor zonalarda 2 trilyon dollar dəyərində investisiya toplayıb. Dollarla saxlanılan həmin vəsaitlərə görə, yuanla saxlanılan vəsaitlərlə müqayisədə daha yüksək faiz ödənilir.
Amerikalı bəzi ekspertlər proqnzolaşdırır ki, FED faizləri endirməyə başlayarsa, o halda dollar ucuzlaşacaq və bu valyutada saxlanılan vəsaitlərin bir hissəsi yuana dəyişdiriləcək. Yeni vəziyyət yuanın 5-10 faiz bahalaşmasına səbəb ola bilər.
Vasif
