ABŞ-də işsizliklə bağlı müraciətlərin azalması tənəzzüllə bağlı narahatlıqları azaldıb. Bu vəziyyət birjalarda indekslərin yüksəlməsinə, səhm alışının artmasına səbəb olub. 

Sfera.az xəbər verir ki, “S&P” 500 indeksi ötən gün ərzində 2,3 faiz artımla 2022-ci ilin noyabrından bu yana ən yaxşı gününü keçirib. “Nasdaq”da artım isə 3,1 faizə çatıb. Asiya əməliyyatlarında ABŞ fond fyuçerslərinin qiymətlərində artım müşahidə edilib, Asiya səhmləri dəyər qazanıb, Yaponiya, Honq-Konq və Cənubi Koreyanın əsas indeksləri 1 faizdən çox artıb. 

Xatırladaq ki, iyulun son günlərindən başlayaraq ABŞ-də və digər böyük iqtisadiyyata sahib olan ölkələrdə böhranın olacağına dair ehtimallar səsləndirilməyə başlanılıb.Buna səbəb kimi ABŞ-də məşğulluq göstəricilərinin yaxşı olmaması göstərilib. Birjalar bu tip məlumatlara həssaslıqla yanaşdığından dollar ucuzlaşıb, qızıl bahalaşıb, investorların qiymətli kağızlar bazarında satışları artırdığı görünüb. 

Böhran qorxusu mühüm malların, o cümlədən neftin də dəyərdən düşməsinə səbəb oldu. Bu baxımdan qlobal iqtisadiyyat üçün böyük əhəmiyyət kəsb edən müsbət dəyişikliklərin baş verməsi yenidən birjalarda mülayim havanın hakim olmasına səbəb olub. 

Vasif