Azərbaycanda qaz istehlakı azalıb - STATİSTİKA
2024-cü ildə Azərbaycanda qaz istehlakı azalıb, ixraca göndərilən qazın həcmi isə artıb.
Sfera.az Dövlət Statistika Komitəsinə istinadən xəbər verir ki, 2024-cü ilin yanvar-iyun aylarında Azərbaycanda təbii qaz ehtiyatlarının 27,5 faizi ölkə daxilində istehlak edilib, 59,8 faizi ixrac olunub, 2,5 faizi isə itkiyə gedib. Qaz ehtiyatının daha 10,2 faizi ehtiyat kimi qalıb.
Bu il daxili istehlakın azalmasına paralel olaraq ixraca daha çox məhsul göndərilib. İlin birinci yarısında 13,08 milyard kub metr və ya 2023-cü ilin müvafiq dövrü ilə müqayisədə 10,8 faiz çox təbii qaz ixrac edilib.
Əhali 2,42 milyard kub metr və ya əvvəlki ilin müvafiq dövrü ilə müqayisədə 4,2 faiz az təbii qaz istehlak edib. Qazın daha çox hissəsi Bakıda istehlak olunub. Əhaliyə satılan qazın 38 faizi Bakı şəhərinin, 3,1 faizi Naxçıvan Muxtar Respublikasının, 11,7 faizi Abşeron-Xızı, 6 faizi Gəncə-Daşkəsən, qalanı digər iqtisadi rayonlarının payına düşüb.
Vasif
