Azərbaycanın ən çox qızıl aldığı ölkələr - ADLAR
![Azərbaycanın ən çox qızıl aldığı ölkələr - ADLAR](https://sfera.az/photo/orginal/2024/07/19/1721394739_65e41c41d8b6b.png)
Azərbaycan bu il qızıl alışını artırıb. 2024-cü ilin ilk 5 ayının məlumatına əsasən, Dövlət Neft Fondunun xətti ilə bir neçə ton qızıl alınıb. Qızıl idxalına xərclənən vəsait isə bir neçə yüz milyon dollar təşkil edib.
Bəs qızıl daha çox hansı ölkədən alınır?
Sfera.az Dövlət Statistika Komitəsinə istinadən xəbər verir ki, bu ilin yanvar-may ayları ərzində Azərbaycana 597 milyon dollar dəyərində 7 ton 971 kq qızıl idxal edilib.
Bu qədər qızılın daha çox hissəsi Avstraliyadan alınıb. Avstraliyadan 5 ay ərzində 5 ton 929 kq qızıl alınıb və bunun üçün 445 milyon dollar ödənilib.
Qızılın 2 ton 23 kq-ı Kanadadan idxal olunub. Buna görə Kanadaya 150,74 milyon dollar ödənilib.
Türkiyədən isə 19 kq qızıl alınıb və bunun qarşılığında 1,5 milyon dollar xərclənib.
Vasif