Qızılın qiyməti sürətlə bahalaşır - Yeni rəqəmlər

Son günlər beynəlxalq birjalarda xalis qızıl yenidən bahalaşır. Hazırda bir qram xalis qızılın (999,99 əyar) dəyəri 78 dolları (132 manat) ötüb.

Sfera.az xatırladır ki, mövcud qiymət bu ilin mayında qeydə alınan dəyəri (78,8 dollar) nəzərə almasaq, ən yüksək qiymətdir. Ümumilikdə, qızılın dəyəri ötən ayın son günlərindən yüksəlməyə başlayıb və bu proses hələ də davam edir.

Bahalaşmanın baş verdiyi ilk günlərdə qızılın qiyməti 74 dollar idi. Hazırkı qiymət üç həftə əvvəlki qiymətdən 4 dollar yüksəkdir.

Qızılın son günlər bahalaşması Asiya bazarında tələbin artması ilə əlaqədardır. Son günlərdə qızıla tələbin artması ABŞ-də faizlərin endiriləcəyi gözləntisi ilə bağlıdır. Bu gözləntiyə görə, dollar ucuzlaşacaq və bunun nəticəsində qızılın dəyəri artacaq. Buna görə də mərkəzi banklar, iri investisiya qurumları, hətta fiziki şəxslər qızıl alışını artırıblar ki, bu da nəcib metalın dəyərini yükəldir.

Vasif