Azərbaycana ən çox avtomobil bu ölkələrdən gətirilir - STATİSTİKA
2024-cü ilin birinci rübündə Azərbaycana 19 571 ədəd avtomobil gətirilib. Bu qədər avtomobilin idxalına isə 361 milyon dollardan çox pul xərclənib.
Bəs Azərbaycana gətirilən avtomobillər hansı ölkələrdən idxal edilir?
Sfera.az rəsmi məlumatlara istinadən xəbər verir ki, idxal olunan avtomobillərin çox hissəsini minik avtomobilləri təşkil edib.
Birinci rüb ərzində 17 610 ədəd minik avtomobili gətirilib. Bu avtomobillərlə yanaşı, 1 821 ədəd yük avtomobili, 105 ədəd xüsusi təyinatlı avtomobil , 35 ədəd avtobus idxal olunub.
Minik avtomobillərinin 13 165 ədədini benzin və dizel mühərrikli maşınlar təşkil edib. Rəsmi statistik məlumatlara əsasən, birinci rübdə dizel və benzin mühərrikli (daxili yanma mühərriki) avtomobillərin çoxu Koreyadan idxal olunub.
Daxili yanma mühərriki ilə çalışan minik avtomobillərinin 5 519 ədədi, yəni 42 faizi Koreyadan gətirilib. 2 156 ədədi ABŞ-dən, 1 219 ədədi Almaniyadan, 1 030 ədədi isə Çindən idxal olunub.
Hibrid avtomobillərin çox hissəsi Yaponiya, Çin, ABŞ, Koreya və Cənubi Afrika Respublikasından gətirilib.
Birinci rüb ərzində idxal olunan 3 615 ədəd hibrid avtomobilin 1 052 ədədi Yaponiyadan, 946 ədədi Çindən, 425 ədədi ABŞ-dən, 365 ədədi Koreyadan, 274 ədədi Almaniyadan, 2013 ədədi Cənubi Afrika Respublikasından gətirilib.
Elektrik avtomobillərinin idxalında isə ən böyük pay Çinə məxsusdur. İdxal olunan 830 ədəd elektromobilin 705 ədədi Çindən alınıb.
Digər növ avtomobillərə gəldikdə, burada Almaniya böyük üstünlüyə sahibdir. Həm avtobusların, həm də yük avtomobillərinin çox hissəsi Almaniyadan idxal edilib.
Vasif
