Türkiyənin ən bahalı və ən ucuz evləri bu ərazilərdədir - QİYMƏTLƏR
Türkiyədə regionlar üzrə mənzil qiymətlərində kəskin fərqlər var.
Sfera.az Türkiyənin rəsmi qurumlarının məlumatlarına istinadən xəbər verir ki, ən yüksək qiymətlər ölkənin qərb regionlarında müşahidə edilir.
Maraqlıdır ki, Türkiyənin mənzil bazarında ən yüksək qiymət səviyyəsi İstanbulda deyil. Daha yüksək qiymətlər Muğlada müşahidə edilib.
Burada bir kvadrat metr mənzilin dəyəri təxminən 3 100 manat təşkil edib.
Muğla ölkədə turizmin inkişaf etdiyi əsas regionlardan biridir. Burada Bodrum və digər tanınmış turizm yerləri var.
Mənzil bazarında qiymət səviyyəsinə görə ikinci sırada İstanbul qərarlaşıb. İstanbulda bir kvadrat metrin orta qiyməti 2 050 manatdır.
Qiymətlərin yüksək olmasına görə növbəti yerlərdə Aydın (1950 manat), Antalya (1855 manat), İzmir (1750 manat) qərarlaşıb.
Paytaxt Ankarada orta qiymətlər 1125 manatdır.
Türkiyənin mənzil qiymləri ən ucuz olan regionu isə Muşdur. Ölkənin şərq regionunda orta qiymət 627 manat təşkil edir.
Vasif
