Türkiyədən keçən boru kəmərləri ilə nəql edilən xam neftin miqdarı açıqlanıb.

Sfera.az BOTAŞ-a istinadən xəbər verir ki, bu ilin aprelində 27 milyon 434 min barel neft nəql edilib.

Bu qədər neft Türkiyə ərazisindən keçən 4 boru kəməri vasitəsilə daşınıb.

Ümumilikdə Türkiyə üzərindən 5 xam neft kəməri keçir. Bunlar İraq-Türkiyə, Ceyhan Kırıkkale, Batman-Dörtyol, Dörtyol-Ceylan və BTC kəmərləridir. Bu kəmərlərdən İraq-Türkiyə kəməri ilə neft axını yoxdur.

Aprel ayında Ceyhan-Kırıkkale xəttindən 3 milyon 277 min barel, Batman-Dörtyol xəttindən 2 milyon 928 min barel, Dörtyol-Ceyhan xəttindən 3 milyon 403 min barel, BTC-dən isə 17 milyon 826 min barel neft nəql edilib.

Göründüyü kimi, Türkiyə üzərindən ən çox Azərbaycanın ixrac etdiyi neft daşınır.

Vasif