Qvardiola "Mançester Siti"dəki xələfinin adını açıqlayıb

İngiltərənin "Mançester Siti" komandasının baş məşqçisi Xosep Qvardiola gələcəkdə onu hansı şəxsin əvəz edə biləcəyini söyləyib.

Sfera.az xəbər verir ki, 48 yaşlı mütəxəssisin fikrincə, "şəhərlilər"ə onun köməkçisi Mikel Arteta rəhbərlik edə bilər: "Əminəm ki, məndən sonra komandanı o, qəbul edəcək. Bu, gec-tez baş verəcək. Hələ gənc məşqçidir. Amma onun böyük futbolçularla və aparıcı klublarla iş təcrübəsi var. Əsas odur ki, Mikel gözəl insandır. Əla məşqçidir, gələcəkdə böyük uğurlar qazanacaq", - deyə Qvardiola bildirib.  

Qeyd edək ki, Mikel Arteta 2016-cı ildən "Mançester Siti"nin məşqçilər heyətində yer alır.