Logo

Millətlər Liqasında erkən final: Püşk İspaniya və Fransanı üz-üzə qoydu

Millətlər Liqasında erkən final: Püşk İspaniya və Fransanı üz-üzə qoydu
Kateqoriya məlum deyil
Xəbərləri Google-da birbaşa sfera.az-dan alınGoogle-da sfera.az-a abunə olGoogle axtarışında sfera.az-ı seçilmiş mənbə kimi əlavə edinAbunə ol

İsveçrənin Nyon şəhərində keçirilən püşkatma mərasiminin nəticələrinə əsasən, İspaniya millisi 2026/27 mövsümünün UEFA Millətlər Liqasının 1/4 finalında Fransa yığması ilə qarşılaşacaq.

Sfera.az xəbər verir ki, digər 1/4 final oyunlarında Norveç - İngiltərə, Niderland - Portuqaliya və Belçika - Almaniya matçları baş tutacaq.

İlk qarşılaşmalar 25-27 martda, cavab oyunları isə 28-30 mart tarixlərində keçiriləcək.

Yarımfinalda Niderland - Portuqaliya cütünün qalibi İspaniya - Fransa duelinin güclüsü ilə, Belçika - Almaniya matçının qalibi isə Norveç - İngiltərə qarşılaşmasından üstün ayrılan komanda ilə üz-üzə gələcək. Yarımfinallar 9-10 iyunda, üçüncü yer uğrunda oyun və final isə 13 iyunda baş tutacaq.

Bundan əlavə, 2026/2027 mövsümü üzrə UEFA Millətlər Liqasının pley-off (keçid) oyunlarının da püşkü atılıb və bu cütlüklər müəyyənləşib.

B Liqasında oynamaq hüququ uğrunda keçid oyunlarında qarşılaşacaqlar:

Kipr - Şimali Makedoniya;

Estoniya - Rumıniya;

Farer adaları - Gürcüstan;

Belarus - İsrail.

A Liqasında iştirak etmək hüququ uğrunda pley-off matçlarında üz-üzə gələcəklər:

Bosniya və Herseqovina - Danimarka;

Macarıstan - Serbiya;

İrlandiya - Xorvatiya;

Sloveniya - Uels.

İlk pley-off oyunları 25-27 martda, cavab qarşılaşmaları isə 28-30 mart tarixlərində təşkil olunacaq.

PAYLAŞ

OXŞAR XƏBƏRLƏR