Avropa, Asiya və Amerika futbol qurumlarından BİRGƏ BƏYANAT
Avropa, Asiya, Şimali və Mərkəzi Amerika, həmçinin Karib hövzəsi ölkələrinin futbol qurumları FİFA prezidenti Canni İnfantinoya qarşı birgə çıxış edib.
Sfera.az xəbər verir ki, bu barədə “ESPN” məlumat yayıb.
Avropa Futbol Assosiasiyaları İttifaqı (UEFA), Asiya Futbol Konfederasiyası (AFC), eləcə də Şimali və Mərkəzi Amerika və Karib hövzəsi Futbol Konfederasiyası (CONCACAF) yaydıqları birgə bəyanatda İnfantinonu futbolda etimadı sarsıtmaqda ittiham ediblər.
“İnsan özünü kollektivdən üstün tutduqda, onun nüfuzuna olan inam sarsılır”, – deyə bəyanatda bildirilib.
Futbol qurumlarının rəhbərləri İnfantinonun dünya çempionatının keçirilməsi hüquqlarının bir hissəsini özəl investorlara satmaqla bağlı son təşəbbüsünə də toxunublar.
“Bu payın satılması cəhdinin vəziyyətin qiymətləndirilməsində ciddi səhv olduğu başa düşülmür. Bu, sadəcə prosedur səhvi deyil, FİFA-nın xidmət etməli olduğu institutlara olan etimadın fundamental şəkildə pozulmasıdır”, – deyə bəyanatda qeyd olunub.
Qeyd edək ki, daha əvvəl UEFA İnfantino ilə bağlı araşdırmaya başlayacağını açıqlayıb. Araşdırmanın FİFA rəhbərinin UEFA-da baş katib vəzifəsində çalışdığı dövrdə həmin təşkilatda inzibati vəzifədə işləyən və onunla münasibətdə olduğu iddia edilən qadına mümkün ödənişlə bağlı məlumatlarla əlaqəli ola biləcəyi bildirilir.
İnci
Sfera.az
