Futbol tarixi belə razılaşma görməmişdi - 1,35 milyard dollar ödəniləcək

İngiltərənin "Mançester Siti" futbol komandası Almaniyanın idman geyim markası "Puma" ilə sponsorluq müqaviləsi imzalayıb. 

Sfera.az xarici mediaya istinadən xəbər verir ki, müqavilənin ümumi dəyəri 1 milyard funt sterlinqdir (təxminən 1,35 milyard dollar) və 2035-ci ilə qədər qüvvədə qalacaq.

İngiltərənin “The Guardian” qəzetinin məlumatına görə, yeni müqaviləyə əsasən, "Puma" “Mançester Siti”yə hər il 100 milyon avrodan çox pul ödəyəcək. Bu rəqəm 2029-cu ildə başa çatan və illik dəyəri 75 milyon avro olan əvvəlki müqavilədən xeyli yüksəkdir. Yeni müqavilə İngiltərə futbolunda indiyə qədər imzalanmış ən yüksək dəyərli sponsorluq müqaviləsidir.

Xatırladaq ki, "Mançester Yunayted" alman nəhəngi "Adidas" ilə 2023-cü ilin iyulunda 10 illik 900 milyon funt-sterlinq dəyərində müqavilə imzalayıb. "Liverpul" isə "Adidas" ilə çoxillik müqaviləsi sayəsində hər il təxminən 60 milyon funt-sterlinq qazanır.

Vasif