Bir oyunda 2 rekord: Messi heyrətləndirir – VİDEO
İdman
12:41 / 05.05.2024
3615
“İnter Mayami”nin argentinalı hücumçusu Lionel Messi “Nyu York Red Bullz”la oyundan (6:2) sonra MLS-də iki rekorda imza atıb.
Sfera.az xəbər verir ki, bu görüşdə argentinalı hücumçu bir qol vurub və beş məhsuldar ötürmə edib.
Beləliklə, Messi MLS tarixində bir matçda 5 məhsuldar ötürmə edən ilk futbolçu olub. O, eyni zamanda bir oyunda altı xal toplayan ilk MLS oyunçusudur.
Xatırladaq ki, bu görüşdə uruqvaylı hücumçu Luis Suares het-trik edib.
Hazırda “İnter Mayami” 12 matçdan sonra 24 xalla MLS turnir cədvəlində birinci yerdədir.
