Azərbaycan Prezidenti Cənubi Qafqazda söz sahibi olan siyasi liderdir ŞƏRH

Azərbaycan Prezidenti Cənubi Qafqazda söz sahibi olan siyasi liderdir ŞƏRH

Ölkəmizə səfər edən dövlət və hökumət başçılarının, beynəlxalq təşkilat və media təmsilçilərinin Qarabağ və Şərqi Zəngəzurla bağlı təəssüratları yüksək emosionallığı ilə seçilir. Atalar məsəllərimizdən birində deyildiyi kimi, “yüz dəfə eşitməkdənsə, bir dəfə görmək yaxşıdır”. Ölkəmizin qonaqları torpaqlarımızda törədilmiş dağıntıların miqyası ilə üzləşdikdən sonra gördükləri mənzərəni fərqli dillərdə yalnız bu sözlərlə ifadə edirlər: vandallıq və vəhşilik. Azərbaycanda dövlət səfərində olan Belarus Prezidenti Aleksandr Lukaşenkonun dağıntıların miqyasını, Şuşada Natəvanın, Üzeyir bəyin və Bülbülün güllələnmiş heykəllərini gördükdən sonra verdiyi açıqlama da elə eyni qəbildəndir və yaşanan insani hisslərin obyektiv ifadəsidir: “İkonalara və heykəllərə atəş açanlar vəhşidirlər”.

 

Sfera.az xəbər verir ki, bunu AZƏRTAC-a açıqlamasında Milli Məclisin deputatı Ülvi Quliyev deyib.

 

O qeyd edib ki, qonaqları təəccübləndirməklə yanaşı, həm də onları valeh edən Qarabağda və Şərqi Zəngəzurda aparılan irimiqyaslı bərpa-quruculuq işləridir. Onlar ermənilərin törətdiyi vandallığın miqyasını öz gözləri ilə gördükdən sonra biləndə ki, Azərbaycan bu miqyasda quruculuq işlərini heç kimdən kömək ummadan, yalnız daxili imkanları hesabına aparır, təəccüblərini gizlətməkdə çətinlik çəkirlər. Elə bu səbəbdən, Belarus Prezidenti Aleksandr Lukaşenkonun Azərbaycan Prezidentinə xitabən verdiyi bu açıqlamalar müstəqil Azərbaycanın bugünkü qüdrətinin və onun şəksiz Lideri Prezident İlham Əliyevin sarsılmaz qətiyyətinin obyektiv etirafıdır: “Qələbəni qoruyub saxlamaq daha vacibdir... Qələbə çaldınız və onu qoruyub saxladınız. İndi dirçəliş dövrüdür... Siz Qafqaz regionunu nəzarətdə saxlamağa qadirsiniz. Bu, artıq təkcə Azərbaycana görə məsuliyyət daşımaq demək deyil, Siz artıq bütün Qafqazdakı vəziyyətə cavabdehsiniz, biz-Qafqazda yaşamayan xalqlar buna çox böyük ümid bəsləyirik”. Belarus Prezidentinin bu fikirləri Prezident İlham Əliyevin xalqımız qarşısında tarixi xidmətlərinin ədalətli etirafı olmaqla yanaşı, həm də region ölkələrinin əmin-amanlıq və sülh şəraitində yaşaması naminə Azərbaycan Prezidentinin ortaya qoyduğu qətiyyətli siyasi mövqeyə hörmətin ifadəsidir. Bu mənada Prezident Aleksandr Lukaşenkonun mətbuata növbəti açıqlaması xüsusilə diqqət çəkir: “Siz bütün dünyaya göstərdiniz ki, Sizdən əvvəlki nəsillərin dövründə həll olunmayan ən mürəkkəb məsələləri həll etməyi bacarırsınız”.

 

Ülvi Quliyev bildirib ki, Prezident İlham Əliyevin mayın 16-da mətbuat konfransında verdiyi bu açıqlama isə həm Belarus Prezidentinin obyektiv dəyərləndirməsinin arxasında dayanan mürəkkəb geosiyasi həqiqətlərin, həm də tarixi Zəfərin əldə olunması naminə müstəqil Azərbaycanın apardığı mücadilənin miqyasını yetərincə ehtiva edir: “Dünyada vəziyyət sürətlə və bir qayda olaraq mənfi istiqamətdə dəyişir. Yeni münaqişələr, yeni qeyri-sabitlik ocaqları yaranır. Təəssüf ki, bir qayda olaraq mövcud münaqişələr öz həllini tapmır. Cənubi Qafqazda Azərbaycanın beynəlxalq hüquqa, BMT Təhlükəsizlik Şurasının qətnamələrinə, BMT-nin Nizamnaməsinə və bütün dünya ictimaiyyətinin bu gün tanıdığı beynəlxalq humanitar hüquqa tam uyğun olaraq hərbi-siyasi yolla həll etdiyi münaqişə istisna olmaqla”.

 

Dövlətimizin başçısının ifadə etdiyi bu tarixi həqiqəti həm indiki, həm də gələcək nəsillərin olduğu kimi bilib layiqincə dəyərləndirmələri üçün, elə Prezident İlham Əliyevin özündən, 2022-ci ilin aprelində Dünya Azərbaycanlılarının Şuşada keçirilən V Qurultayındakı çıxışından başqa bir iqtibası da xatırlatmaq istərdim: “Biz təkcə Ermənistanla müharibə aparmamışıq. Biz təkcə dünya erməniliyi ilə müharibə aparmamışıq, biz Ermənistanın himayədarları ilə müharibə aparmışıq və bu müharibədə Qələbə qazanmışıq. Ona görə bu Qələbənin tarixi əhəmiyyəti daha böyükdür”.


OXŞAR XƏBƏRLƏR

Alimlər ilk görüşdə qadın və kişilərin əsas səhvlərini açıqlayıblar

Polşa və ABŞ-dən olan beynəlxalq alimlər qrupu kişi və qadınların ilk görüşlərdə özləri haqqında danışarkən (özünü təqdimat) buraxdıqları əsas səhvləri müəyyən ...

Borc içində batan işçi 100 min dollar dəyərində almaz tapıb - FOTO

40 yaşlı Raju Qond istənilən işlə məşğul olsa da, illərlə yoxsulluqdan qurtula bilməyib. Lakin o, təxminən 100 min dollar dəyərində 19,22 karatlıq almaz tapdıqd...

Tarixdəki ən böyük kütləvi qəza: 146 delfin

Okean Yer səthinin böyük hissəsini əhatə edir və bir çox nadir heyvan növlərinə ev sahibliyi edir. Təəssüf ki, alimlər hər il məməlilərin özlərini kütləvi sahil...

Həkimlər sağlam yuxunun sirrini açıblar

Bir insanın maksimum məşğulluğu sağlamlıq və sağlam yuxuya kömək edir.   Sfera.az xəbər verir ki, bunu pediatr Piroqova Alexander bildirib.   ...

Sabah bu ərazilərdə işıq olmayacaq

Cənub regional enerji təchizatı və satışı idarəsinə (RETSİ) daxil olan rayonların elektrik şəbəkələrində şənbə günü iməclik işlərinin keçirilməsi ilə əlaqədar s...

Aygün Kazımovanın adından dələduzluq -Saxta bilet satırlar

Xalq artisti Aygün Kazımovanın adından dələduzluq edilib.    Sfera.az xəbər verir ki, TikTok-da "Fərişş_Ticket" adlı səhifə Pop kraliç...