Beynəlxalq Avtomobil İdmanı Federasiyasının (FİA) Vyanada baş tutmuş Baş Assambleyasında maraqlı qərarlar verilib. Apasport.az saytının məlumatına görə, bu qərarların içində Azərbaycanla bağlı olanlar da var.

Belə ki, ötən il ilk dəfə ölkəmizdə baş tutmuş "Formula-1” üzrə Avropa Qran-Prisinin adı və tarixi dəyişdirilib. Mötəbər yarış bundan sonra Avropa deyil, Azərbaycan Qran-Prisi adlanacaq.

Bundan əlavə, möhtəşəm turnirin Bakı mərhələsi ötən ildən fərqli olaraq iyunun 19-da deyil, 25-də keçiriləcək.

Almaniya Qran-Prisi siyahıdan çıxarıldığı üçün "Formula-1” 2017-ci il çempionatı 20 mərhələdən ibarət olacaq. Mövsümə martın 26-da Melburnda Avstraliya Qran-Prisi ilə start veriləcək. Çempion isə düz 9 ay sonra, noyabrın 26-da Abu-Dabidə bəlli olacaq.

Turnirin yekun təqvimini təqdim edirik.

26 Mart	Melburn	Avstraliya
9 Aprel	Şanxay	Çin
16 Aprel	Bəhreyn	Bəhreyn
30 Aprel	Soçi	Rusiya
14 May	Barselona	İspaniya
28 May	Monte Karlo	Monako
11 İyun	Monreal	Kanada
25 İyun	Bakı	Azərbaycan
9 İyul	Spilberg	Avstriya
16 İyul	Silverston	Böyük Britaniya
30 İyul	Budapeşt	Macarıstan
27 Avqust	Spa-Frankorçamp	Belçika
3 Sentyabr	Monza	Italiya
17 Sentyabr	Sinqapur	Sinqapur
1 Oktyabr	Sepang	Malaziya
8 Oktyabr	Suzuka	Yaponiya
22 Oktyabr	Ostin	ABŞ
29 Oktyabr	Mexiko	Meksika
12 Noyabr	Sao Paolo	Braziliya
26 Noyabr	Abu Dabi	BƏƏ

“Formula-1”in Bakı mərhələsinin adı və tarixi dəyişdirilib