“Əsl kişi ailəsinin yanında olar” - Narkotikə görə həbs olunan musiqiçi - VİDEO - FOTO

“Əsl kişi ailəsinin yanında olar” - Narkotikə görə həbs olunan musiqiçi - VİDEO - FOTO
Sfera.az xəbər verir ki, ARB TV-nin "Rezonans" proqramında bu dəfə 1959-cu il təvəllüdlü, Masallı rayon sakini Əzizov Etibar Miralxas oğlu öz həyat hekayəsini danışıb.


Əzizov Etibar Miralxas oğlu - Məhkum (9 il): "1959-cu ildə Masallı rayonunda anadan olmuşam. Sovetlərin dövründə hərbi xidmətdə olmuşam. Azadlıqda olanda qaynaqçı işləyirdim. Həm də musiqiçi olmuşam, 20 il toy məclislərinə getmişəm, iştirak etmişəm musiqiçi kimi. 1992-ci ildə könüllü olaraq orduya getdim, Ağdərədə, Umudlu istiqamətində gedən döyüşlərdə iştirak etdim. Yaralandıqdan sonra xəstəxanaya yerləşdirildim. Müharibə ömrümü zəhərlədi. Yanıma düşən mərminin qəlpələri dağıldı bütün bədənimə. Ekzema xəstəliyi tutdum bu qəlpələrdən.

Mənə bir neçə dəfə təklif etmişdilər, qəbul etməmişdim. Bu dəfə israr etdilər, aldatdılar məni. Mənə malı verən adamlara dedim ki, heç olmasa əlaqə nömrəsi verin. Heç nə vermədilər, şəklimi çəkib göndərdilər həmin adama ki, məni qarşılasın. 100 manat beh verdilər, dedilər 900 manat da təhvil verəndə verəcəklər. 700 qram miqdarında narkotik maddə və dərmanlar elə göz qarşısındaca tutuldu, gəldim düşdüm barmaqlıqlar arxasına. 2018-ci ilin iyun ayında tutulmuşam, 9 il iş almışam. Aldandım, peşmançılığımın həddi-hüdudu yoxdur.

Şeytan Adəmi də aldadıb cənnətdən qovdurdu, mən də aldanıb həbsə düşdüm. Həyatım məhv oldu, ömrümün qış çağında idim, qəbirin qırağında idim onsuz da bu həbs də məni məhv etdi. 9 il azadlıqdan məhrum edilməyim məni qəbirə göndərdi. 1 oğlum var, 3 qızım. Onların ikisinin həyatın qurmuşam, qalıb ikisi. Qızımın biri də inkişafdan geri qalıb, xəstədir. 4 nəvəm var, 60 ilim tamam olanda söz veriblər gələcəklər yanıma. Ötən il nəvəm birinci sinifə hazırlaşırdı, dedi baba, hardasan, gəl məni məktəbə apar. Onların dərslərinə kömək edirdim, gəldim düşdüm bura. Allaha sığınmışam, seyid adamam, ibadətimi edirəm, namaz qılıram.

Buradan-cəzadan heç kim sığortalanmayıb. Bura canlı qəbiristanlıqdır, tez unudulursan, yaddan çıxırsan... Burada vaxtımı keçirtmək üçün tikinti briqadasında çalışmağa razılaşdım, indi işləyirəm.

Gənclərə məsləhət görürəm ki, aldanmasınlar, öz ağılları ilə hərəkət etsinlər. Əsl kişi odur ki, ailəsinin yanında, onların xidmətində olsun, onun bunun sözünə inanıb aldanmasınlar. Mən musiqiçi kimi böyük saraylarda konsertlərdə olmuşam, mənim kimi tanınmış adam gəldim burda ləyaqətsiz vəziyyətə düşdüm.

 

Ekzema xəstəliyi artıq bronxlarımı da sıradan çıxarıb, nəfəs ala bilmirəm, ona görə də oxuya bilmirəm artıq. Bir yandan xəstəlik, bir yandan məhkumluq həyatı mənim bütün ümidlərimi öldürüb, ümidim yoxdur sağ çıxam burdan balalarıma qovuşam".   


OXŞAR XƏBƏRLƏR

TƏBİB məlumat yaydı - FOTO

 Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 12-nə olan statistik göstəriciləri açıqlayıb. Sfera.az x...

Xarici İşlər Nazirinin iki müavini DTX-da - Həbslər gözlənilir 

Xarici İşlər nazirinin iki müavini bu gün DTX-da saatlarla istintaq altında olublar. Sfera.az xəbər verir ki, iki nazir müavini – Ramiz Həsənov və Nadir Hüs...

DSMF-nin büdcəsi təsdiq edildi

 Prezident İlham Əliyev "Sosial təminatı və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi...

Hazırda paytaxtın bəzi küçə və prospektlərdə sıxlıq var - FOTO

 Hazırda axşam pik saatı olduğundan bəzi küçə və prospektlərdə nəqliyyat vasitələrinin çoxluğu müşahidə olunur. Bu səbəbdən yollarda sıxlıq yaranıb. ...

TƏBİB seroloji testlər keçirəcək

 Ölkəmizdə COVID-19 pandemiyası ilə mübarizə tədbirləri çərçivəsində əhali qrupları arasında seroloji testlərin keçirilməsinə başlanılacaq. Tibbi Əra...

“Türkiyə ilə müştərək təlimlərin uğurla davam etdiyi vaxtda təxribatların olması gözlənilən idi”

  "Azərbaycan Respublikası Silahlı Qüvvələrinin Baş Qərargahı radikal müxalifətin qərargahı deyil. Orada hər kəs istədiyini deyə bilməz”. Bunu "MediaPost...