Britaniya Baş nazirinin atası vəfat etdi
Böyük Britaniyanın Baş naziri Endi Börnhəminin atası Roy Börnhəm vəfat edib.
Sfera.az xəbər verir ki, bu barədə Baş nazirin ofisi məlumat yayıb.
Məlumata görə, Endi Börnhəm atasının vəfatı ilə əlaqədar bu gün və sabah üçün nəzərdə tutulan bütün tədbirlərini ləğv edib. Baş nazir bu gün axşam biznes nümayəndələri ilə görüşməli, həmçinin Braytonda keçirilən Britaniya Həmkarlar İttifaqları Konqresinin konfransında çıxış etməli idi.
Roy Börnhəm son illər qocalar evində yaşayıb və Altseymer xəstəliyinin ağır formasından əziyyət çəkib.
Endi Börnhəm Baş nazir vəzifəsinə başlamasından qısa müddət əvvəl verdiyi müsahibədə atasının səhhəti ilə bağlı kədərli məqamı bölüşmüşdü. O bildirmişdi ki, təqaüddə olan telefon mühəndisi atası xəstəliyinin ağırlaşması səbəbindən oğlunun ölkənin Baş naziri olacağını belə öyrənə bilməyib.
Baş nazir daha əvvəl sosial təminat sistemində islahatlar aparmaq niyyətindən danışarkən bunun şəxsi təcrübəsi ilə də bağlı olduğunu bildirmişdi. Onun sözlərinə görə, atasının xəstəliyi ilə bağlı yaşadıqları sosial təminat sisteminin necə işləməli olduğu barədə düşüncələrinə təsir edib.
Firuzə Əliyeva
