Maduro istefa verəcəyi tarixi açıqladı

Venesuela Prezidenti Nikolas Maduro Birləşmiş Ştatları məlumatlandırıb ki, o, il yarım sonra dövlət başçısı vəzifəsini tərk etməyə hazır olacaq.

 

Sfera.az bu barədə "CNN"ə istiandla xəbər verir. Hesabatda deyilir ki, ABŞ ilə qeyri-rəsmi danışıqlar zamanı Maduro son nəticədə istefaya getməyə hazır olduğunu, lakin bu müddətin 18 aydan tez olmadığını bildirib. "CNN"in məlumatına görə, Venesuela nümayəndələri və Maduro özü iki ölkə arasında mümkün qarşılıqlı əlaqə ilə bağlı müxtəlif kanallar vasitəsilə ABŞ ilə əlaqə saxlayıb. “Wall Street Journal” mənbələrinə istinadən daha əvvəl xəbər vermişdi ki, ABŞ Prezidenti Donald Tramp söhbət zamanı Maduroya deyib ki, o, könüllü olaraq istefaya getməsə, ABŞ müxtəlif variantları, o cümlədən güc tətbiqini nəzərdən keçirəcək.

 

“The New York Times” öz növbəsində Trampın Maduro ilə telefon danışığı apardığını və onunla şəxsi görüşün mümkünlüyünü müzakirə etdiyini yazıb. Danışıqlarla tanış olan iki mənbə bildirib ki, söhbət həftənin sonunda baş tutub. Görüş zamanı iki liderin ABŞ-də şəxsi görüşünün mümkünlüyü müzakirə olunub. Tramp Maduro ilə telefon danışığı faktını təsdiqləyib, lakin bu barədə şərh verməkdən imtina edib.

 

Firuzə Əliyeva

Sfera.az