Avropa Rusiya ilə müharibəyə hazırlaşır ? - "Bu, boş xəbər deyil"
Serbiya Prezidenti Aleksandar Vuçiç hesab edir ki, Avropa ölkələri Rusiya ilə mümkün hərbi münaqişəyə hazırlaşır.
Sfera.az xəbər verir ki, Vuçiç bu fikri “Pink TV” telekanalına müsahibəsində, Fransa Baş Qərargah rəisi Fabien Mandonun Fransa ordusunun üç-dörd ildən sonra Rusiya ilə toqquşmaya hazır olacağı barədə bəyanatını şərh edərkən səsləndirib.
“Faktları təhlil etdikcə, Avropa ilə Rusiya arasında müharibə ehtimalı getdikcə daha aydın görünür. Bu, sadəcə boş xəbər deyil. Hamı buna hazırlaşır”, – deyə Serbiya lideri bildirib.
O, Serbiyanın Qərb ölkələri və Rusiyanın geosiyasi hədəfləri arasında çətin vəziyyətdə qaldığını vurğulayıb:
“Biz özümüzü daşla sərt yer arasında tapmışıq. Buna baxmayaraq, ordumuzu gücləndirməkdə davam etməliyik. Biz ağıllı şəkildə silahlanırıq və ölkəmizi qorumaq üçün böyük sərmayələr qoyuruq”, – deyə Vuçiç qeyd edib.
Niyaz Hacıyev
Sfera.az
