Londonun mərkəzində bərbəri milyarderlə səhv salıb qaçırıblar. Belə ki, quldurlar 21 yaşlı belçikalı bərbərin zəngin kriptovalyuta alverçisi olduğunu düşünərək qaçırıblar.

Sfera.az bildirir ki, polis adam oğurluğunda iştirak edən bütün iştirakçıları saxlayıb. Onların hamısı günahlarını etiraf ediblər.

Hadisənin motivləri isə çox gülməlidir. Belə ki, Belçikalı futbolçuların stilisti kimi tanınan Sepeljak (Sepelyak) sosial şəbəkədə 20 yaşlı Davina Raaijmakerslə tanış olub. Gənc oğlan qıza uğurlu kriptovalyuta ticarəti ilə məşğul olduğunu deyərək, öyünüb. Qız isə çox varlı valideynləri olduğunu deyib və onu həftəsonunu Londonun mərkəzindəki “dəbdəbəli" evdə keçirməyə dəvət edib.

Lakin dəbdəbəli mənzil əvəzinə bərbəri bir otaqlı kirayə götürülən evə aparıblar. Orada onu Raaijmakersin şərikləri - qızın 28 yaşlı sevgilisi Adlan Hacı və iki kişi gözləyib. Quldurlar Sepeljakın boğazına pala qoyub, döyüblər və ona başqa bir şəxsin qətliamının videosunu göstərib, 500 min funt sterlinq köçürməsini tələb ediblər.

Məlum olub ki, bərbərin kriptovalyuta hesabında cəmi 6,71 funt var. Daha sonra qaçıranlar onu dostlarını köməyə çağırmağa məcbur ediblər. Onlardan biri qəribə zəng alaraq polisə müraciət edib. Nəticədə cinayətkarlar oğlandan 2 min funt sterlinq alıb, pasportunu və telefonunu geri qaytarıb, sonra onu qatar stansiyasına aparıblar. Sepeljakı Skotland Yard əməkdaşları qarşılayıblar.

Müstəntiqlər zərərçəkənin saxlandığı mənzili müəyyən etməyə nail olublar. Adam oğurluğunda iştirak edən dörd nəfərin hamısı saxlanılıb və günahlarını etiraf ediblər. Onları uzun müddət həbs cəzası gözləyir.

Aynil

Sosial şəbəkədə varlı görünmək istəyi gənc oğlana baha başa gəldi