İtaliyada yaşamaq üçün işini, ərini və uşaqlarını atdı - FOTOLAR

ABŞ-dan olan 64 yaşlı Cindy Sheegan (Sindi Şiqan) həyatını tamamilə dəyişib: o, işini atıb, ərindən boşanıb və xaricdə xoşbəxtlik tapmaq üçün vətənini tərk edib. İndi özünü xoşbəxt hiss edir, lakin nadir hallarda gördüyü övladları üçün darıxdığını etiraf edir.

Sfera.az bildirir ki, Sindi Şiqan bir sıra şəxsi faciələrdən sonra həyatını dəyişməyə qərar verib 

Sindinin həyatı 2017-ci ildə dəyişməyə başlayıb. Onun dediyinə görə, özünü həyatında yol ayrıcında tapıb.

Yaxınlarını itirdikdən sonra amerikalı qadın həyatın adi ssenari üzrə yaşamaq üçün çox qısa olduğunu başa düşüb. Əmlak sahəsində işlədiyi şirkət ona məzuniyyət verib, lakin qadın geri qayıtmamaq qərarına gəlib.

"Mən səyahət etdim, inanılmaz yeməklər yedim, dünyanı gördüm və anladım ki, normal həyatıma qayıtmaq istəmirəm"-deyə o xatırlayır.

Tezliklə Sindi təqaüdə çıxıb, 30 illik evliliyindən sonra ərindən boşanaraq səyahətə çıxıb. Yeddi il ərzində o, Kamboca, Vyetnam, Türkiyə, Fransa, İspaniya, Portuqaliya və İtaliya da daxil olmaqla 50-yə yaxın ölkəni ziyarət edib. Qadın etiraf edir ki, tək səyahət etmək ona əvvəllər sahib olmadığı azadlıq hissi verib.

Daha sonra Sindi məskunlaşmağa qərar verərək İtaliyanı seçib. Əvvəlcə o, Portuqaliyada yaşayırdı və sonra mənşəyinə görə tez bir zamanda İtaliya vətəndaşlığını ala biləcəyini öyrənib. İtaliyaya köçdükdən sonra bir neçə şəhərdə olsa da, ancaq Palermonu "ruhunun şəhəri" adlandırır.

"Bu şəhər sevinc, gülüş və həyatla doludur. Hiss etdim ki, bu mənim yerimdir".

Bu gün Sindi Palermonun mərkəzində 100 kvadratmetrdən çox əşyalı mənzildə yaşayır. İcarə haqqı ayda təxminən 800 dollar, üstəgəl kommunal xidmətlər üçün 100 dollar təşkil edir. Onun sözlərinə görə, ABŞ-da oxşar mənzillər bir neçə dəfə bahadır. Bundan əlavə, İtaliyada həyat daha əlverişlidir: yemək daha ucuzdur və səhiyyə daha əlçatandır.

"ABŞ-da mənim 1500 dollarlıq pensiyam kirayə haqqını belə ödəyə bilməzdi. Amma burada bu, mənim üçün kifayət qədərdir"-deyə o izah edir.

Palermo şəhərinin panoraması

O, İtaliya vətəndaşlığını almamışdan əvvəl də tibbi xidmət xeyli ucuz olub. Məsələn, Tunisə səfərdən sonra sınmış ayağın müalicəsi cəmi 150 dollara başa gəlib. 

Bu gün Sindi rahat həyat tempindən zövq alır, şəhəri gəzir, yerli sakinlərlə və digər mühacirlərlə ünsiyyət qurur. O, etiraf edir ki, uşaqları üçün darıxır, lakin onlar ziyarətə gələ bilirlər və bunu məmnuniyyətlə edirlər.

"Mən daha xoşbəxt, daha sağlam oldum, yeni dostlar tapdım və hər gün yeni bir şey kəşf etdim. Mən artıq ABŞ-da yaşaya bilməzdim - sadəcə olaraq bu həyatı aşdım" - deyə amerikalı yekunlaşdırır.