Rusiya Ukraynanın daha bir vilayətini işğal etmək istəyir
Rusiya Silahlı Qüvvələri Ukraynanın daha bir vilayətinə - Dnepropetrovska girməyə cəhd edir.
Sfera.az Teleqraf-a istinadən xəbər verir ki, bu barədə cəbhədəki vəziyyəti izləyən Ukraynanın “DeepState” monitorinq qrupu məlumat yayıb.
Ukraynalı müşahidəçilərin fikrincə, son günlər Rusiya qoşunlarının Dnepropetrovska daxil olmaq cəhdləri intensivləşib.
Qrupun bölgədəki Ukrayna hərbçilərinə istinadla verdiyi məlumata görə, Rusiya qüvvələri hər gün hücuma keçirlər.
“Onlara həm atış məntəqələrindən, həm də hücum əməliyyatları zamanı zərbələr endirilir”, - məlumatda deyilir.
“DeepState” həmçinin Rusiya ordusunun üç yaşayış məntəqəsi ətrafında irəliləyişini qeydə alıb: Sumı vilayətində Yablunivka və Yunakivka, eləcə də Zaporojye vilayətində Malinivka yaxınlığında.
