Çin və Rusiya narahatdır: “Bu layihə kosmosda silahlanmanı artıracaq"
Çin və Rusiya ABŞ-nin “Qızıl Qalxan” layihəsindən narahatdır.
Sfera.az xarici mediaya istinadən xəbər verir ki, Çin Xarici İşlər Nazirliyi layihənin qlobal güc balansını poza və kosmosda silahlanmanı artıra biləcəyini qeyd edərək, ABŞ-yə layihədən imtina etmə çağırışı edib.
Rusiya isə bu addımın nüvə balansına ciddi təsir göstərə biləcəyini və nüvə silahları üzrə danışıqların yenidən başlanmalı olduğunu bildirib.
Pekin və Moskva, ABŞ-nin bu təşəbbüsünü təhlükəli və beynəlxalq sabitliyi pozan bir addım kimi qiymətləndirir.
Xatırladaq ki, ABŞ Prezidenti Donald Tramp 175 milyard dollarlıq “Qızıl Qalxan” adlı yeni raketdən müdafiə layihəsini elan edib. Layihənin rəhbərliyinə ABŞ Kosmik Qüvvələrinin generalı təyin olunub.
By sistemin məqsədi Çin və Rusiyadan gələ biləcək raket hücumlarını dəf etməkdir. Layihə İsrailin “Dəmir Qalxan” sistemindən ilham alınaraq hazırlanıb.
Bəsti Rəfizadə
Sfera.az
