Birləşmiş Ştatların Daxili Təhlükəsizlik Departamenti miqrantların potensial ABŞ vətəndaşlığı uğrunda mübarizə aparacağı realiti-şousu yaratmağı düşünür.

Sfera.az bildirir ki, bu barədə cümə günü, mayın 16-da “The Wall Street Journal” departamentin mətbuat katibi məlumat yayıb.

O qeyd edib ki, təklif olunan realiti-şounun prodüseri ilə söhbət edib. Şounun konsepsiyası hazırda nəzərdən keçirilir və sınağın ilkin mərhələsindədir. Tricia McLaughlin bildirib ki, departament hər il sərhəd təhlükəsizliyi ilə bağlı sənədli filmlərdən tutmuş hökumət rəsmilərinin daxili araşdırmalarına dair proqramlara qədər potensial televiziya layihələri ilə bağlı yüzlərlə sorğu alır.

İdeya ssenarist və prodüser Rob Warsoffa məxsusdur. Şou iştirakçıların ölkəni gəzərək müxtəlif yarışlarda iştirak edəcəyi qatarın şərəfinə "Amerikalı" adlanacaq. Qalib ABŞ Kapitolunun pilləkənlərində and içməklə, möhtəşəm finalla yekunlaşmalıdır.

Xatırladaq ki, ABŞ-ın 47-ci prezidenti Donald Trampın yanvarın 20-də Ağ Evə qayıtdıqdan sonra ilk fərmanlarından biri qeyri-qanuni miqrantlarla, xüsusən də Meksika ilə sərhəddə fövqəladə vəziyyət elan edilməsi ilə bağlı olub. Yanvarın 22-də Donald Tramp Meksika ilə sərhədin qeyri-qanuni mühacirlər üçün bağlanması və artıq ABŞ-da olanların deportasiyası haqqında sərəncam imzalayıb.

Aprelin 9-da mətbuatda Donald Trampın bir milyon miqrantın ABŞ-ı tərk etməsi əmri verdiyi barədə məlumatlar yayılıb. İki il ərzində ölkədə müvəqqəti daimi yaşayış yeri olan və ABŞ-ın keçmiş prezidenti Co Baydenin prezidentliyi dövründə yaradılmış “CBP One” onlayn bron proqramından istifadə edən immiqrantlara dərhal ölkəni tərk etmək əmri verilib.

Sonradan məlum olub ki, ABŞ qeyri-qanuni mühacirləri deportasiya etmək üçün onları özbaşına tərk etməyə təşviq edəcək yeni proqram təqdim edir. İnsanların 1000 dollar alacağı bildirilirdi. Ümumilikdə, dövlət bir deportasiya üçün 70% qənaət etməyi planlaşdırır.

Aynil

İmmiqrantların vətəndaşlıq uğrunda mübarizə aparacağı realiti-şou çəkilir