Putinin səssizliyi Trampı əsəbləşdirdi: “İkinci sanksiyalar qapıdadır”
ABŞ Prezidenti Donald Tramp, Rusiya Prezidenti Vladimir Putinin İstanbulda keçiriləcək atəşkəs danışıqlarına qatılıb-qatılmayacağı ilə bağlı açıqlama verib. Tramp Putinlə bağlı qərarın onun (Putinin) bu görüşmədə iştirakından asılı ola biləcəyini deyib.
Sfera.az xarici mediaya istinadən xəbər verir ki, prezident təyyarəsi “Air Force One”da jurnalistlərin suallarını cavablandıran Tramp bildirib:
“Putin, mənim də orada olmağımı istəyir. Mənim Türkiyəyə getməyim mümkündür. Amma mən orada olsam, onun da gəlib-gəlməyəcəyini bilmirəm. Bunu birlikdə görəcəyik”.
Kremlin danışıqlara soyuq münasibəti və Putinin səssizliyi Vaşinqtonda narahatlıq yaradıb. ABŞ prezidenti əlavə edib ki, Rusiyaya qarşı ikinci dərəcəli sanksiyalar hələ də gündəmdədir və bu məsələ masadan kənarlaşdırılmayıb. Tramp daha əvvəlki açıqlamalarında da Putinin səbrini sınağa çəkdiyini qeyd etmişdi.
Bəsti Rəfizadə
Sfera.az
