Tramp bu mühüm kanala da göz dikdi - "ABŞ olmadan..."

ABŞ Prezidenti Donald Tramp, Qrenlandiya və Panama kanallarından sonra Süveyş Kanalına da maraq göstərib. Tramp ABŞ hərbi və ticarət gəmilərinin, bu strateji kanallardan pulsuz keçməsini istədiyini açıqlayıb.

Sfera.az xəbər verir ki, Tramp, "Truth Social" platformasında etdiyi paylaşımda bu haqda belə yazıb:

“Bu kanallar ABŞ olmadan mövcud ola bilməzdi. Dövlət katibi Marko Rubiodan bu məsələyə dərhal müdaxilə etməsini istədim”.

Misirli jurnalist və millət vəkili Mustafa Bakıri isə Trampın bu təklifini sərt şəkildə tənqid edib. Bakıri bunun Amerikanın zorbalıq siyasəti olduğunu və müstəqil dövlətlərə qarşı bu hərəkəti “açıq oğurluq” kimi qiymətləndirib.

Süveyş və Panama kanalları, qlobal ticarət üçün kritik əhəmiyyət kəsb edir. Bu kanallar həmçinin hərbi əməliyyatlar üçün də strateji əhəmiyyətə malikdir, çünki gəmilərin sürətli hərəkət etməsini təmin edir və geosiyasi təsiri gücləndirir.

Bəsti Rəfizadə