12 dövlət işçisi rüşvətə görə TUTULDU - ANBAAN VİDEO

Türkiyənin İzmir şəhərinin Menemen rayonundakı sərbəst zonada rüşvət aldıqları iddia edilən 4-ü gömrük mühafizə əməkdaşı, 2-si dövlət qulluqçusu olmaqla ümumilikdə 25 şübhəlidən 12-si həbs olunub, 13-ü isə məhkəmənin qərarı ilə nəzarət şərti ilə sərbəst buraxılıb.

 

Sfera.az xəbər verir ki, Menemen Respublika Prokurorluğunun rəhbərliyi, İzmir Polis İdarəsi Maliyyə Cinayətləri ilə Mübarizə Şöbəsi və Aliağa Maliyyə Cinayətləri Bürosunun əməkdaşlığı ilə aparılan araşdırmada Menemendəki sərbəst zonada bəzi gömrük əməliyyatlarında qanunsuzluqlar aşkar edilib.

Aparılan texniki və fiziki müşahidələr nəticəsində bəzi konteynerlərin yoxlama aparılmadan keçirildiyi, natamam bəyannamələrlə yoxlama prosedurlarının həyata keçirildiyi, vergi məbləği və məhsul növünün müəyyən edilməsi üçün laboratoriyaya göndərilməsi lazım olan məhsulların isə göndərilmədiyi məlum olub.

 

Şübhəlilərin rüşvət aldıqları anlar təhlükəsizlik kameraları tərəfindən qeydə alınıb, bu səbəbdən onların inkar etmə şansı da qalmayıb.
 

Hadisə ilə bağlı 4-ü gömrük mühafizə əməkdaşı və 2-si dövlət qulluqçusu olmaqla ümumilikdə 25 nəfər barəsində həbs qərarı çıxarılıb. 21 aprel tarixində müəyyənləşdirilmiş ünvanlara eyni vaxtda əməliyyat təşkil olunub. Bütün şübhəlilər saxlanılıb. Ünvanlarda aparılan axtarışlar zamanı 12 min 200 ABŞ dolları, 13 tam qızıl, 40 qram qızıl, 6 ədəd çeyrek qızıl, 3 qram marixuana və çox sayda rəqəmsal material ələ keçirilib.

Polisdəki ifadələri tamamlandıqdan sonra məhkəməyə göndərilən şübhəlilərdən 12-si həbs edilib, 13-ü isə məhkəmənin müəyyən etdiyi nəzarət şərtləri ilə sərbəst buraxılıb. //Konkret.az