1a:T7d9,

Maaşorst (Hollandiya) bələdiyyəsində bələdiyyə binasının bərpası zamanı ümumi dəyəri təxminən 22 min avro olan 45 sənət əsəri zibillə birlikdə çölə atılıb. Atılan əsərlər arasında amerikalı rəssam Endi Uorholun təxminən 15.000 avro dəyərində olan 1980-ci illərə aid Kraliça Beatrixin silkscreen çapı xüsusi dəyərə malikdir.

Sfera.az bildirir ki, hadisə ilə bağlı aparılan araşdırmalar zamanı sənət xəzinələrinin saxlanması və rəftar edilməsi prosesində bir sıra ciddi qanun pozuntuları aşkar edilib. Təmir işləri zamanı sənət əsərləri müvəqqəti olaraq Udendə bələdiyyə binasının zirzəmisində saxlanılıb. Müstəntiqlər belə qənaətə gəliblər ki, dəqiq saxlama təlimatlarının olmaması qiymətli əşyaların səhvən zibil qutusu ilə birlikdə atılmasına səbəb olub.

Bələdiyyənin rəhbəri Hans van der Pas:

"Dəyərli əşyalarla belə davranmaq olmaz. Amma belə oldu. Biz buna təəssüflənirik" - deyə bildirib.

Müstəntiqlərin hesabatında qeyd edilir ki, sənət əsərlərinin bir hissəsi zirzəmidə adi təkərli zibil qutularında saxlanılıb. Buna görə də onlara diqqətsiz yanaşılıb.

Bütövlükdə, araşdırmanın əsas nəticələri bələdiyyənin mədəni sərvətlərin idarə edilməsində sistemli nöqsanlara yol verdiyini göstərir: əsərlərin mülkiyyət hüququ düzgün müəyyən edilməmişdir, onların bərpası və saxlanması üçün qayda və prosedurlar mövcud deyil, itkin düşdüyü aşkar edildikdən sonra onların bərpası üçün kifayət qədər tədbirlər görülməmişdir. O da qeyd olunub ki, incəsənət obyektlərinin qeydiyyatı, saxlanması və mühafizəsi ilə bağlı göstərişlər yoxdur.

Aysel

4:[["$","script",null,{"type":"

Hollandiyada 40-dan çox sənət əsəri zibilliyə atıldı