Almaniya Ukraynaya nə qədər silah verib? – Son üç ilin statistikası
Rusiya-Ukrayna müharibəsi başlayandan bəri, yəni 2022-ci ilin fevralından indiyə qədər Almaniya Ukraynaya çoxlu sayda silah və hərbi təyinatlı texnika verib.
Sfera.az xəbər verir ki, “Defence Express” nəşri təxminən 3 il ərzində Almaniyanın Ukraynaya verdiyi silahların siyahısını dərc edib.
Araşdırmaya görə, Almaniya Ukraynaya döyüş sursatı və komponentləri ilə birlikdə 18 ədəd “Leopard” 2A6 tankı, 103 ədəd “Leopard” 1A5 tankı, 140 ədəd “Marder” piyadaların döyüş maşını və onun ehtiyat hissələrini, 66 ədəd adı açıqlanmayan zirehli personal daşıyıcısı, 54 ədəd M113, 78 ədəd tırtıllı BV 206 nəqliyyat vasitəsi, 153 ədəd digər zirehli texnika və 277 ədəd hərbi avtomobil verib. Ukrayna Almaniydan çoxlu sayda artilleriya vasitəsi də alıb.
Komponentlərlə birlikdə 25 ədəd PzH 2000 özüyeriyən silah sistemi, 7 ədəd M109 özüyeriyən artilleriya vasitəsi, 2 ədəd “Zuzana” özüyeriyən silah, 3 ədəd M142 HIMARS raket sistemi, 5 ədəd MARS II raket sistemi, 358 min ədəd 155 mm-lik sursat, 15 min ədəd 120 mm minaatan Ukraynaya çatdırılıb.
Almaniya son 3 il ərzində mühəndis texniki vasitələri də verib. Bu dövrdə 22 ədəd ARV, 27 ədəd BIBER körpüqurucu, 57 ədəd “WISENT 1” minatəmizləmə maşını, 12 ədəd mühəndislik tankı olan “Dachs”, eləcədə 20 min ədəd tank əleyhinə mina ayrılıb. Ukrayna Almaniyanadan çoxlu sayda hava hücumundan müdafiə sistemləri də əldə edib. Araşdırmaya əsasən, 57 ədəd “Gepard” özüyeriyən zenit silahı və onlar üçün 241 min ədəd mərmi, həmçinin 4 min təlim mərmisi, 6 ədəd IRIS-T SLM orta mənzilli hava hücumundan müdafiə sistemi, 5 ədəd qısa mənzilli hava hücumundan müdafiə sistemi IRIS-T SLS, 3 ədəd “Patriot” batareyası və bu kompleksin dörd buraxılış qurğusu, həmçinin onlar üçün raketlər, 16 ədəd TRML-4D radarı, 500 ədəd “Stinger”, çoxlu sayda “Patriot” sisteminə aid raketlər, “Strela”, həmçinin AIM-9L, “Sea Sparrow” üçün açıqlanmayan sayda raketlər, 12 pilotsuz uçuş əleyhinə Kinetik Müdafiə Vasitələri, 15 ədəd “Caracal” drona qarşı vasitə verilib.
Vasif
