Deputatlar parlament iclasını pozaraq aborigen ritualı keçiriblər - VİDEO
Yeni Zelandiya parlamenti iclasında İngilislər və yerli Maori xalqı arasında imzalanmış 184 illik müqaviləni yenidən müəyyən etmək məqsədi daşıyan qanun layihəsi səsə qoyulub. Deputatlar səsverməni pozmaq üçün ənənəvi aborigen ritualı olan haku təşkil edib.
Sfera.az bildirir ki, yerli Maori əhalisini təmsil edən deputat partiya üzvlərinin qarşı çıxdığı qanun layihəsini cırıb. Yüzlərlə insan sənədin qəbuluna etiraz olaraq Yeni Zelandiyanın paytaxtına yürüş təşkil edib.
Qanun layihəsi “Waitangi Müqaviləsi”nin bir bəndini qanuna daxil edir. Qeyd edək ki, “Waitangi Aktı” 1840-cı ildə Britaniya ilə 500-dən çox Maori rəisləri arasında imzalanıb. Bu, hər iki tərəfin ölkəni necə idarə etməyə razılaşdığını müəyyənləşdirir.
Qanun layihəsinin tərəfdarları iddia edirlər ki, Maori hüquq və imtiyazlarının son onilliklərdə genişlənməsi yerli olmayan vətəndaşlara qarşı ayrı-seçkiliyə səbəb olub.
Lakin bir çox Maori və tərəfdarları isə hesab edirlər ki, qanun layihəsi ölkənin 5,3 milyon əhalisinin təxminən 20%-ni təşkil edən yerli əhalinin hüquqlarını pozur.
Belə ki, deputatlar qanun layihəsi üzrə ilkin səsvermə üçün toplaşarkən Te Pati Maori millət vəkilləri ayağa qalxaraq rəqs, oxuma və üz ifadələrini birləşdirən ənənəvi Maori ritualı olan haka rəqsi etməyə başlayıblar.
Videoda Maori Partiyasının deputatı Hana-Rauhiti Maipi-Klarkın qanun layihəsini cıraraq ənənəvi aborigen ritualını yerinə yetirməyə başladığı göstərilir.
Yeni Zelandiya Parlamenti daha sonra digər insanlar da etiraza qoşulduqca prosesi qısa müddətə dayandırıb, onların qışqırıqları palatadakı digərlərinin səsini boğub.
Bundan əlavə, yüzlərlə insan qanuna etiraz etmək üçün Yeni Zelandiyanın şimalından paytaxt Vellinqtona doqquz günlük yürüşə çıxıb.
Etirazçılar gələn çərşənbə axşamı Vellinqtona gələcəklər, burada on minlərlə insanın böyük bir mitinq üçün toplaşacağı gözlənilir.
Aysel
