Ukrayna Prezidenti Volodimir Zelenski NATO dövlətlərini Rusiya ilə münaqişədə iştirak etmək üçün briqadalar hazırlamağa və Ukrayna silahlı qüvvələrinin ehtiyatlarını artırmağa çağırıb.
 

Sfera.az Strana.ua-ya istinasən xəbər verir ki, bunu Ukrayna lideri Alyansın katibi Mark Rutte ilə birgə keçirdiyi brifinqdə deyib .
 

“Bütün ölkələrə mesajımız: briqadalar hazırlayın, onlar ehtiyatda ola bilər və yorğun olan oğlanlarımızı döyüş meydanında əvəz edə bilər”, - deyə Zelenski bildirib.
 

Prezident çıxışında Ukraynanın NATO-nun bir hissəsi ola bilməsi üçün bütün səylərini əsirgəməyəcəyinə əmin edib. O, Kiyevin bu alyansın 33-cü üzvü adına layiq olduğunu da vurğulayıb.
 

Bu gün “Washington Post” yazıb ki, NATO-ya üzv əsas ölkələrin Ukraynanın alyansa daxil olması ilə bağlı mövqeləri dəyişməyib və Amerikanın yeni administrasiyası prezident seçkilərindən dərhal sonra qərar qəbul etməyəcək.
 

Rusiya prezidentinin mətbuat katibi Dmitri Peskov isə bildirib ki, Ukrayna prezidenti Volodimir Zelenski Şimali Atlantika Müqaviləsi Təşkilatının münaqişədə iştirakını rəsmiləşdirməyə çalışır.

İnci

Sfera.az