Puff Daddy ləqəbli 54 yaşlı repet Sean Kombsa qarşı altı yeni iddia qaldırılıb.

Sfera.az bildirir ki, bu barədə zərərçəkənlərin maraqlarını təmsil edən hüquqşünas Toni Buzbi mətbuat konfransında bildirib.
 

İddialar iki qadın və dörd kişi adından qaldırılıb. Kişi qurbanlar Sean Kombsun onlara etdiyi hər şeyi ətraflı təsvir ediblər. İki kişi qurban Kombsun 1995 və 2021-ci illər arasında onlara cinsi təcavüz etdiyini iddia edən 120 ittihamçı arasındadır. İddia ərizəsində həmin vaxt 16 yaşında olan kişilərdən biri 1998-ci ildə müğənninin Hemptonsdakı “ağ partisi”ndə Puff Daddinin ona təcavüz etdiyini iddia edib. Kombsun bunu Nyu-Yorkda yetkinlik yaşına çatmamış bir gəncin musiqi biznesinə necə girmək barədə məsləhət istəməsindən sonra etdiyi deyilir.

İddialara görə, repçi qurbanı olduğu iddia edilən şəxsə bu cür davranışının musiqiçi olmaq istəyənlər üçün bir ayin olduğunu deyib və əlavə edib:
 

"Bizneslə məşğul olmaq istəmirsən?"
 

Yeniyetmə qorxusundan tabe olmağa məcbur olub.
 

Con Doy kimi tanınan başqa bir qurban, 2008-ci ilin may ayında məşhur mağazalardan birinin anbarında Kombs tərəfindən "şifahi şəkildə zorlandığını" iddia edib. İddiaçının sözlərinə görə, o, Kombsun geyim xəttinin rəqibi olan mağazada işləyib. Kombs və üç cangüdəni binaya daxil olanda, o da anbarda olub. Mühafizəçilər adamı vuraraq yerə yıxıblar və cinayət törədilən zaman Kombsun mühafizəsi onu heç kimə heç nə deməməklə hədələyib. Daha sonra heç bir izahat verilmədən işdən çıxarılıb.

Bütün altı iddia Nyu-Yorkun Cənub Dairə Məhkəməsində Gender Əsaslı Zorakılığın Qorunması Aktı çərçivəsində qaldırılıb. Əvvəllər cinsi təcavüz, seks alveri və digər ağır cinayətlərdə ittiham olunan Kombsa qarşı iddiaların sayı artıq 12 olub.
 

Müstəntiqlərin hesabatında deyilir ki, Kombs onilliklər ərzində qadınlara qarşı zorakılıq törədib və qurbanlarını susdurmaq üçün əyləncə sənayesindəki gücünü istifadə edib. Çoxları onu musiqinin Ceffri Epşteyni adlandırır.
 

Keçmiş dostlar, tanışlar, işçilər Diddinin cinsi istismar nümunəsini ört-basdır etmək üçün şöhrətindən istifadə edən təhlükəli bir fiqur olduğunu bildirib.

Məlumata görə, Kombsun cinsi istismar tarixi musiqi karyerasından əvvələ gedib çıxır. Onu Havard Universitetində tanıyan qadınlar o vaxt da onun aqressiv şəxsiyyət əlamətlərinin olduğunu deyiblər.

Aysel

Sfera.az