İran Avropaya uçuşları dayandırıb - SƏBƏB
Avropa İttifaqına uça bilən yeganə İran aviaşirkəti İran Hava Yolları Aİ-nin yeni sanksiyaları səbəbindən bu istiqamətdə uçuşları dayandırıb.
Sfera.az xəbər verir ki, bunu İran Hava Daşıyıcıları Assosiasiyasının direktoru Maksud Əsədi Səmani bildirib.
“Ölkəmizdə Avropaya uçan yeganə aviaşirkət İran Air idi və Aİ-nin “Iran Air”ə qarşı yeni sanksiyalarını nəzərə alsaq, bundan sonra bir dənə də İran təyyarəsi Avropaya uçmayacaq”, - deyə Maksud Asadi Samani bildirib.
O qeyd edib ki, Avropa İttifaqına uçuşlar iranlılar arasında populyardır, lakin indi onlar birləşdirici uçuşlardan istifadə etməli olacaqlar.
Avropa İttifaqı oktyabrın 14-də İranın üç aviaşirkətinə, o cümlədən Iran Air-ə qarşı sanksiyalar tətbiq edib. Aİ nümayəndəsi bəyan edib ki, Rusiyaya ballistik raketlərin ötürülməsinə görə İrana qarşı sanksiyalar tətbiq edilir. Eyni zamanda, Rusiya və İran Rusiya Federasiyasına İran silahlarının tədarükünü dəfələrlə təkzib ediblər.
İnci
