İngiltərənin Stratford-upon-Avon şəhərindən olan 26 yaşlı Harri Caqqard üç il əvvəl darıxdırıcı işini atıb, bel çantasını yığıb səyahətə çıxıb. Adam Asiya, Afrika və Yaxın Şərqin 51 ölkəsini ziyarət edib. 

Sfera.az bildirir ki, hər yeni yerdə Caqqard yerli əhalinin mədəniyyətinə qərq olmaq üçün təxminən bir həftə vaxt sərf edir: ənənəvi paltar geyinir, onların dilini öyrənir və mətbəxini sınayır. Səyyahın sevimli ölkələri Əfqanıstan, Nepal, Pakistan, Yəmən və Kolumbiya olub.

Səyyahın sevimli ölkələri Əfqanıstan, Nepal, Pakistan, Yəmən və Kolumbiya olub.

Harri Caqqard 22 saat ərzində Sahara boyunca dəmir filizi daşıyan qatarın üstünə minib.

"Çox vaxt yerli sakinlərlə çay içirdim. Arxamda bel çantası olan həyat tərzini xoşlayıram. Mən dünyanı gəzirəm və başa düşürəm ki, insanların 99%-i məni qaçırmağa və ya soymağa çalışmır".


Harri Caqqard “YouTube” bloqu sayəsində səyahət xərclərini qarşılayır.
 

Caqqard cədvəl baxımından tam azadlığa malik olduğunu etiraf edir: kişi adətən tezdən oyanır, səyahət edir və oxşar maraqları olan insanlarla ünsiyyət qurur.

 

"Mən yad olan və yeni şeylərin həyəcanını xoşlayıram. Sabah nə edəcəyimi heç vaxt bilmirəm" - deyə o əlavə edib.
 

Onun getdiyi yerlər Dubayda su parkı, akvarium və ən yaxşı bufeti olan dəbdəbəli oteldən tutmuş, Pakistanda 30 nəfərin olduğu yataqxanada yastıqsız, çarşafsız və ya kondisionersiz taxta çarpayısı olan 50 qəpiklik otelə qədər müxtəlifdir.
 

"Hindistan, Nepal, Şri-Lanka və Filippində tez-tez pulsuz ailə evlərində qalmışam və bunlar ən yaxşı təcrübələr olub. Siz bu ölkələrdə həyatın həqiqətən necə olduğunu hiss edirsiniz".


Caqqardın üç ən yaddaqalan təcrübəsi: Sahara səhrasında dəmir filizi qatarının üstündə 22 saatlıq səyahət, Cənubi Sudanda bıçaqla qəbilə döyməsi kəsmək və Əfqanıstanda Talibanla çay içmək olub.
 

Somaliyə səfər onun üçün çox narahat keçib.

Səyahətləri nəticəsində dünyada çox əzab-əziyyət olduğunu anlayan Harri inkişaf etmiş ölkədə doğulduğuna görə Tanrıya təşəkkür edir. Harri etiraf edir ki, heç bir təhlükəli vəziyyətlə üzləşməsə də ailəsi daim narahatdır və onun harada olduğuna diqqət yetirməyə çalışır.
 

“Xoşbəxtlikdən məndən heç bir şey oğurlamayıblar, mən təhlükəli hesab edilən yerlərdə inanılmaz dərəcədə qonaqpərvər insanlarla rastlaşdım. Pakistanda iki nəfərin müşayiət etməsinə baxmayaraq, silahlı mühafizəçilər məni terrorçu adlandırmışdılar”- deyə o, öz üzücü təcrübələrini də bölüşür.
 

Əfqanıstanda Talibanla çay içmək səyahətçinin həyatında diqqət çəkən məqamlardan biri olub.

Caqqard ildə bir dəfə bir ay evə gəlir və ailəsi ilə vaxt keçirir. Daimi əşyaların qablaşdırılması və açılması, üç gündən bir yerdəyişməsi, tez-tez xəstəliklər yorucudur, lakin Harri bu həyat tərzini bezənə qədər davam etdirəcək.
 

“Mən 9-dan 5-ə qədər oturub işləməyi təsəvvür edə bilmirəm. Mən Böyük Britaniyanı sevirəm, amma məncə, insanların sizə daha yaxşı münasibət göstərdiyi yerlərə də getməlisiniz. Məsələn İndoneziyanın Bali şəhərində bu, yarı qiymətədir: hava daha yaxşıdır və mənimlə eyni missiyanı bölüşən böyük bir insan kütləsi var”-deyə o qeyd edir.

Xanım

Sfera.az