Türkiyənin Afyonkarahisar vilayətində avtobus qəzası baş verib.

Sfera.az xəbər verir ki, bu barədə "Anadolu" agentliyi xəbər yayıb.

Bildirilir ki, hələlik sürücüsü müəyyənləşdirilməyən sərnişin avtobusu yoldan çıxaraq aşıb.

Hadisə yerinə dərhal təcili tibbi yardım, yanğınsöndürmə və jandarm qüvvələri cəlb edilib.

İlkin məlumata görə, qəza nəticəsində avtobusdakı 21 nəfər müxtəlif dərəcəli bədən xəsarətləri alıb. Yaralılar Afyonkarahisardakı xəstəxanalara çatdırılıb.