ABŞ Mərkəzi Kəşfiyyat İdarəsinə qarşı cinsi təcavüz iddiaları qaldırılıb
Amerika Mərkəzi Kəşfiyyat İdarəsinə qarşı çoxlu sayda cinsi təcavüz iddiaları irəli sürülüb ki, bu da həmin təşkilat daxilində ciddi etik problemin olduğunu göstərir.
Sfera.az xəbər verir ki, bu barədə CNN məlumat yayıb. Nəşrin məlumatına görə, Şimali Virciniya və Vaşinqton məhkəmələrində seksual xarakterli cinayətlərlə bağlı bir sıra səs-küylü işlər araşdırılır ki, bu işlərdə də CIA əməkdaşları iştirak edir.
Üstəlik, iki iş üzrə məhkəmə prosesi artıq başa çatıb. İttiham hökmü çıxarılıb. Onlardan birinə görə, CIA-nın keçmiş əməkdaşı seksual cinayət törətdiyinə görə 30 il müddətinə azadlıqdan məhrum edilib. Bütün bunların fonunda MKİ geniş islahatlara başlayıb. Xüsusilə, sistem əməkdaşları ilə bağlı cinsi cinayətlər barədə məlumatların araşdırılması üçün xüsusi şöbə yaradılıb. Həmçinin CIA sistemində problemin nə qədər ciddi olduğunu öyrənmək üçün araşdırma aparılıb.
İnci
Sfera.az