Aİ Rusiyaya qarşı sanksiyaların müddətini bu tarixədək UZATDI
Aİ-nin Rusiyaya qarşı yeni sanksiyaları 9 oktyabr 2025-ci ilə qədər qüvvədə qalacaq.
Sfera.az xarici KİV-ə istinadən xəbər verir ki, hazırda Aİ-nin bəzi mexanizmləri bir il müddətinə təsdiq edilsə də, Aİ-də Rusiyaya qarşı əsas sanksiya tədbirləri hər altı aydan bir yenidən nəzərdən keçirilir.
Məlumata görə, bu müddət üç ilə qədər uzadıla bilər.
Qeyd edək ki, oktyabrın 8-də Aİ Şurası Rusiyanın xaricdəki müəyyən sabitliyi pozan fəaliyyətləri ilə mübarizə aparmağa yönəlmiş yeni məhdudlaşdırıcı tədbirlər mexanizmini qəbul edib. “Hibrid fəaliyyətlər” və “müdaxilə” kimi qiymətləndirilənlərə dair qərarlar yalnız Aİ üzvlərinin və ya onun xarici siyasət xidmətinin təklifi əsasında Aİ Şurası tərəfindən qəbul ediləcək.
Öz növbəsində, Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell yeni sanksiyalar mexanizminin təsdiqi ilə bağlı ayrıca bəyanat yayıb və burada Brüsselin Rusiyanı ittiham etdiyi “hibrid təhdidlərin” siyahısını təqdim edib. Borrell həmçinin hesab edir ki, Rusiya peyk rabitəsini və Avropa hava məkanını pozmağa, Aİ ərazisində fiziki şəxslərə qarşı fiziki hücumlar həyata keçirməyə davam edir.
Firuzə Əliyeva
