Milanoviç: Qərb Ukraynanı fəlakətli bədbəxtliyə apardı

Qərb ölkələri Ukraynanı fəlakətli bədbəxtliyə sürükləyib və Ukrayna böhranı tez bir zamanda başa çatmalıdır.
 

Sfera.az RİA Novosti-yə istinadən xəbər verir ki, bu fikri Xorvatiya prezidenti Zoran Milanoviç deyib.
 

Milanoviç deyib ki, “bu müharibə diplomatik yollarla bitməlidir” və münaqişənin Qərb iştirakçıları üçün yaxşı heç nə gözləmir.
 

“Biz hamımız özümü məsuliyyətli hiss edirik, Ukraynanı fəlakətli bədbəxtliyə sürüklədik. Ölkə dağıdılıb və buna tez bir zamanda son qoyulmalıdır”.
 

Xatırladaq ki, oktyabrın 9-da Xorvatiyanın Dubrovnik şəhərində Cənub-Şərqi Avropa ölkələrinin və Ukraynanın sammiti keçiriləcək və bu sammitdə regionun 12 ölkəsinin nümayəndələri iştirak edəcək. Ukrayna prezidenti Volodimir Zelenskinin də bura gəlişi gözlənilir.
 

Oktyabrın 8-də Xorvatiya prezidenti Zoran Milanoviç Ukraynaya əsgər göndərilməsinə icazə verməyəcəyini bildirib. Bundan əlavə, qeyd edib ki, o, NATO-nun Ukrayna ilə Rusiya arasındakı münaqişəyə istənilən müdaxiləsinə qarşıdır.

İnci

Sfera.az