İraqın təhlükəsizlik qüvvələri ölkənin şimalında yerləşən Salah əd-Din əyalətində fəaliyyət göstərən "İraq Şam İslam Dövləti" (İŞİD) terror qruplaşmasının liderlərindən birini məhv edib.

Sfera.az xəbər verir ki, bu barədə İraqın İNA agentliyi məlumat yayıb.

Birgə Əməliyyatlar Komandanlığının bəyanatında deyilir ki, İraq Hərbi Hava Qüvvələrinin hücumundan sonra Salah əd-Din bölgəsində İŞİD üzvü olan dörd terrorçunun cəsədi aşkarlanıb. Meyitlərin şəxsiyyətinin müəyyən edilməsi zamanı məlum olub ki, öldürülənlərdən biri "İŞİD tərəfdarları arasında "Salah əd-Din əyalətinin qubernatoru" adlandırılan Əbu Ömər əl-Qureyşidir.