İsveçrə Almaniyadan gələn bəzi qatarların girişinə QADAĞA QOYDU

ICE sürətli qatarları Almaniyada xroniki olaraq punktual deyil, lakin Almaniyadakı gecikmələr İsveçrə dəmir yolu şəbəkəsinin fəaliyyətinə təsir göstərməməlidir.

Sfera.az xəbər verir ki, bu barədə xarici KİV məlumat yayıb.

Məlumata görə, 2023-cü ildə İsveçrədəki bütün qatarların 92,5 %-i təyinat yerinə vaxtında çatıb. Almaniyada həmin dövrdə bu göstərici cəmi 64 % olub.

Qeyd edilib ki, "Swiss Federal Railways" AG (SBB) yanvardan mart ayına qədər Münhen-Sürix marşrutu üzrə bütün qatarların 11 %-ni vaxtından əvvəl dayandırmağa məcbur olub. 2023-cü ildə Frayburq-Bazel marşrutu üzrə Almaniyadan gələn qatarların 12,4 %-i geri dönməli olub.

İsveçrədə mövcud qaydalara görə, qatar yalnız qrafikdən üç dəqiqədən az kənara çıxdıqda vaxtında gəlmiş sayılır. SBB nümayəndəsinin sözlərinə görə, Almaniyada marşrutdan asılı olaraq hətta 10-15 dəqiqəlik buferə icazə verilir.

Bildirilib ki, Almaniya tərəfində gecikmələrin ən çox yayılmış səbəbləri tikinti işləri, nasaz hava elektrik xətləri, infrastruktur problemləri və tətillər olub.

İsveçrəyə dayandırılan reyslərin təxminən yarısı Almaniyada dəmiryol tətilləri nəticəsində yaranan gecikmələrlə bağlı olub.