Süni intellekt vasitəsilə fironun real görünüşü təqdim edildi - FOTO
![Süni intellekt vasitəsilə fironun real görünüşü təqdim edildi - FOTO](https://sfera.az/photo/orginal/2024/07/25/1721851910_fi1.jpg)
Tutanhamon Qədim Misirin ən məşhur fironlarından biridir. O, cəmi 9 yaşında ikən taxta çıxıb. Ona üç əsrdən əvvəl tanrıya bənzər bir fiqur kimi ibadət edilirdi. Firon çoxlu sayda qiymətli əsərin olduğu məzarda zinətli qızıl maska taxaraq dəfn edilib.
Sfera.az bildirir ki, qədim misirlilər arasında adət olduğu kimi, Tutanhamonun üzü dəfn olunduğu fironun maskasına çəkilib. Bu maskaya görə, fironun iri yanaq sümükləri, qövsvari qaşları, dolğun dodaqları və kəskin çənə xətti var idi.
Alimlər yeni 3D təsvir üsullarından istifadə edərək Tutanhamonun cəsədinin "virtual yarılma"sını həyata keçirə və onun əsl cizgilərini üzə çıxara biliblər. Alimlər kompüter tomoqrafiyası, genetik analiz və rəqəmsal modellərdən istifadə edərək fironun reallığa mümkün qədər yaxın rəqəmsal şəklini yaradıblar.
Əvvəlki nəzəriyyələrə görə, Tutanhamon ya arabadan yıxılaraq, ya da həyatına qəsd nəticəsində üzündən zədə alıb. Bundan əvvəl isə guya o cazibədar bir gənc olub.
Lakin yeni araşdırmalar bu nəzəriyyəni təkzib edir. Bu göstərir ki, "King Tut" deformasiyalı üz cizgiləri və bariz şəkildə qüsurlu doğulmuşdur.
Bundan əlavə, alimlər belə qənaətə gəliblər ki, əvvəllər araba yarışları zamanı alınan zədə hesab edilən sınıq fironun ölümündən sonra baş verib. Həmçinin, Tutanhamonun bu yaxınlarda aşkar edilmiş fiziki xəstəlikləri səhhətinin ona idman yarışlarında iştirak etməyə imkan vermədiyini göstərir.
Tədqiqatçılar hesab edirlər ki, gənc firon həyatı boyu ciddi sağlamlıq problemlərindən əziyyət çəkib.
Alimlər Tutanhamonda bükülmüş, deformasiyaya uğramış omba və gürz ayaqlarına dair dəlillər tapıblar. Bu o deməkdir ki, o əslində əsa ilə yeriməli idi.
Bu kəşfin müəllifləri fironun bu cür fiziki qüsurlarının əsas səbəbinin qohumluq əlaqəsi ola biləcəyini irəli sürürlər. Genetik testlər Tutanhamonun valideynlərinin bir-birinin qardaşı və bacısı olduğunu göstərib.
Məlum olduğu kimi, qədim Misirdə ailə üzvləri arasında evlilik çox da qeyri-adi deyildi. Elə Tutanhamon özü də ögey bacısı ilə evlənib.
Aynil