Peskov: Kreml Ermənistanın bu addımlarına hörmətlə yanaşır
![Peskov: Kreml Ermənistanın bu addımlarına hörmətlə yanaşır](https://sfera.az/photo/orginal/2024/07/24/1721848174_peskovv.jpg)
"Rusiya rəhbərliyi Ermənistanın Avropa İttifaqı ilə yaxınlaşmaq cəhdlərinə hörmətlə yanaşır".
Sfera.az xəbər verir ki, bunu Rusiya prezidentinin mətbuat katibi Dmitri Peskov bildirib.
O deyib ki, Ermənistan Rusiya Federasiyası üçün müttəfiq və qardaş ölkədir.
"Moskva və İrəvanın həyata keçirmək niyyətində olduğu çoxlu planları var",- Peskov bildirib.
Eyni zamanda, Peskov aydınlaşdırıb ki, Ermənistan suveren ölkədir və özü qarşılıqlı fəaliyyət üçün prioritet sahələri seçir.
Bununla belə, Rusiya liderinin nümayəndəsi İrəvanın siyasi müdriklik nümayiş etdirəcəyinə və Kiyev rejiminin yolunu seçməyəcəyinə ümid etdiyini bildirib.
“Biz sadəcə istəməzdik ki, bu axtarışlar Kiyev rejiminin bir vaxtlar seçdiyi rejimdə aparılsın, yəni “ya-ya da” siyasi baxışa alternativin olmaması bizim görmək istədiyimiz şey deyil",- Peskov izah edib.
Xatırladaq ki, iyulun 22-də Avropa diplomatiyasının rəhbəri Cozef Borrell Aİ və Ermənistanın vizaların ləğvi ilə bağlı danışıqlara başladığını bildirmişdi. İrəvan, həmçinin Avropa Sülh Fondundan da 10 milyon avro məbləğində hərbi yardım ala bilər.
İnci
Sfera.az